Friday, September 23, 2011

දෙවියන් පිලිබඳ බෞද්ධ ආකල්පය හා හින්දු දෙවිවරු - 1

ලොව පවතින ආගම් ප්‍රධාන වර්ග 2කට බෙදා දැක්විය හැක.


1) මානව කේන්ද්‍රිය ආගම් [සත්වයාගේ විමුක්තිය තමා තුලම පවතින බව පැවසෙන ආගම්]
2) දේව කේන්ද්‍රිය ආගම් [සත්වයාට විමුක්තිය ලබිය හැක්කේ දෙවියෙකුගෙන් බව පැවසෙන ආගම්]


බුද්ධාගම මානව කේන්ද්‍රිය ආගමකි. ලොව අනිකුත් ප්‍රධාන ආගම් වන ක්‍රිස්තියානි, ඉස්ලාම්, හින්දු ආදිය දේව කේන්ද්‍රිය ආගම් ලෙස දැක්විය හැක.
හේතුඵල වාදය පදනම් කරගත් බුද්ධාගමේ විමුක්තිය ලබාගැනීම සදහා චතුරාර්ය සත්‍යය අවබෝධ කරගතයුතු බව සදහන් වේ.

දෙවියන් පිලිබඳ බෞද්ධ ආකල්පය
මානව කේන්ද්‍රිය ආගමක් වුවත්, බුදු දහමේද දෙවියන් ගැන සඳහන්ව ඇත. (මහාසමය, ආටානාටිය යනාදී සූත්‍රදේශනාවල) 
එය අනිකුත් ආගම් අතරින් වෙනස් වන්නේ මෙසේය. බුදු දහමට අනුව දෙවියන් යනු පිදිය යුතු, යැදිය යුතු හෝ ඇදහිය යුතු පිරිසක් නොවේ. දෙවියන් යනු ධර්මාණුකූලව ජීවත්වන මිනිසාට ආශිර්වාද කරන පිරිසක් බව අංගුත්තර නිකායේ සඳහන්වේ. දෙවියන් වෙනුවෙන් පින් දීම සුදුසු බවද බුදුදහමේ කියවේ.
සම්මුති, විශුද්ධි, ඕපපාතික යනාදී තුන් කට්‍ටුවක් දෙවිවරු පිලිබඳවත්, චාතුර්මහාරාජික, තාවතිංශය, යාමය, තුසිත, නිම්මානරති හා පරිනිම්මිත වසවත්තිය වශයෙන් දිව්‍යය ලෝක 6ක් ගැනත්, ඊට අමතරව වූ බ්‍රහ්ම ලෝක 20ක් ගැනත් බුදු දහමේ කියවේ.



හින්දු දේව වන්දනාව
අනාදිමත් කාලයක සිට ලංකාවට බලපෑ දකුණු ඉන්දියානු ආක්‍රමණ හේතුවෙන් හින්දු ආගමික මූලබීජ ලාංකික බෞද්ධයා තුල මුල්බැස ගන්නට විය. පොලොන්නරු යුගයේ ඇතැම් රජවරුන් තම දකුණු ඉන්දියානු බිසවුන්ට වන්දනා කිරීම සඳහා පන්සල්තුලම හින්දු දේවාල ඉදිකලබව කියවේ. එය වර්තමානය දක්වා විකාශනය වී ඇති අයුරු බොහෝ පන්සල්වලදී දැකගත හැකිය.
හින්දු ආගමට එක් ප‍්‍රධාන ශාස්තෘවරයෙකු නොමැත. එහි නැවත ඉපදීම, කර්මය, මෝක්ෂ (සසරින් මිදීම), යෝග ආදී සංකල්ප දැකිය හැකි අතර, පුද්ගලයා තුළ ආත්මය යනුවෙන් හදුන්වන නිත්‍ය පදාර්ථයක් ඇතැයි හින්දුහු විශ්වාස කරති. මේ පරිච්චේදයේ අරමුණ හින්දු ධර්මය ගැන විස්තර කිරීම නොවේ. හින්දු ආගමේ දැක්වෙන ප්‍රධාන දේවතාවුන් කීපදෙනෙකු ගැන කෙටි හැදින්වීමක් කිරීම මෙහි අරමුණයි.

ගණ දෙවි (පුල්ලෙයාර්)
නුවණට අධිපති ලෙස සැලකෙන ගණ දෙවියන්ගේ වාහනය මීයාය. ඔහුට සහෝදරයන් 6 දෙනෙකු සිටි බවත්, පසුව තම මව වූ උමාදේවිය විසින් බදාගැනීම නිසා ඔවුන් 6දෙනා එකට හාවී ස්කන්ධකුමාර (කතරගම දෙවියෝ) බිහිවුන බවත් කියවේ. 
ඇත් හිසක් සහිත ගණ දෙවියන්ගේ බිහිවීම බිලිබඳ මත රාශියකි. 
ඉන් එක් මතයකින් පාර්වතී දේවිය ස්නානය සඳහා ගියවිට  ඇලෙන සුලු ද්‍රව්‍යයකින් රූපයක් තනා ගිය බවත්, ශිව පැමින එහි ගෙල සිදිබවත්, පසුව පාර්වතීගේ ඉල්ලීමට එයට ඇත් හිසක් සවිකර පණදුන් බවත් කියවේ.
තවත් මතයකින් කියවෙන්නේ, ඔහු තම සොයුරු කතරගම දෙවියන්ට වල්ලිඅම්මා ලබාගැනීමට උදව්කිරීමේදී, ඇත් වේශයක් මවාගෙන වල්ලිඅම්මා ඉදිරියට පැමිනිබවත්, කතරගම දෙවියන් විසින් ඇතා පලවාහැර වල්ලිඅම්මාගේ කැමැත්ත ලබාගත්පසු කතිකා කරගත් පරිදි, නැවත දේව වේශය ලබාගැනීමට මැතිරූ ජලය ඉසූ බවත් හිස ප්‍රදේශයට ඉසීමට ජලය මදිවීම නිසා ඇත්හිස ඉතිරි වූ බවත්ය.
ගණදෙවියන් පිලිබඳ රසකතාද බොහොමයකි. වරක් උමාදේවිය විසින් තම පුතුන් දෙදෙනාට ලෝකය වටා දිවයන්නැයි කී විට ගණදෙවියන් විසින් තම මව වටා දිව යන ලදී. එලෙස තමාගේ ලෝකය ඇත්තේ මව තුලබව පෙන්වා සිටින ලදී.
තවත් වරක්, කරදිය වලල්ල වටා දිවයාමට කී විට ගණදෙවියන් විසින් කලේ ලුණු පොල්කට්ට වටා දිවයාමයි.


-- මතු සම්බන්ධයි. --

2 comments:

  1. There are two types of religions in this world Dharmic Religions and Abrahamic religions. Abrahamic religions are Judaism, Christianity and Islam.

    Buddhism, Hinduism, Shamanism etc.. are Dharmic religions.

    ReplyDelete
  2. The similarity among Abrahamic religions is that those are based on the hypothesis that the world is created by an almighty God and he judges people according to their faith on the god-sent messenger to either put in heaven or hell for the eternity.

    On the other hand, Dharmic religions are based on two assumptions that we are reborn after the physical death of the body, again and again until we finish all karma, which we accumulate according to our actions and brings good fortune or misfortune according to karma.

    This classification of religions is first made by Siddhartha Gauthama, and still an accepted theory in sociology and anthropology.

    ReplyDelete